Меню
Пазнайце Беларусь праз скрэтч-карту
Вандруйце па Беларусі і сцірайце скрэтч-пласт раёнаў, у якіх пабывалі.
Спаса-Праабражэнская царква ў Лагішыне
Сядзіба Плятэраў ХХ стагоддзя ў вёсцы Заполле
Знаёмцеся са спадчынай краіны
Шукайце пад скрэтч-пластом малюнкі храмаў і сядзіб старэй XX стагоддзя, дубоў-волатаў, музеяў і іншых гістарычных і архітэктурных каштоўнасцяў.
Вывучайце інфармацыю пра іх у інтэрнэце і натхняйцеся на яшчэ адно падарожжа ў раён.
Вывучайце інфармацыю пра іх у інтэрнэце і натхняйцеся на яшчэ адно падарожжа ў раён.
Што яшчэ пад скрэтч-пластом
Лес
Цёмна-зялёныя вобласці карты. У лясах «расце» шэсць ліставых дрэў і адно хваёвае.
Водныя аб'екты
Блакітны колер — рэкі, азёры і вадасховішчы, бледна-блакітныя хвалі — балоты.
Чыгунка
Шэрыя рэйкі і бурыя шпалы. Пракладзены ўсе пасажырскія чыгуначныя пуці Беларусі.
Дарогі
Шэрыя лініі з белай паласой. Галоўныя шашы адрозніваюцца ад лакальных дарог: у іх розная таўшчыня.
Цікавасці для ўважлівых!
Па дарогах ездзяць машыны і фуры, праз рэкі плывуць рыбы, па небе лётаюць самалёты, чыгуначны мост пераязджае грузавы цягнік, і камбайн у поле збірае ўраджай. На карце кіпіць жыццё.
Усе
аб'екты
чытабель-ныя
аб'екты
чытабель-ныя
Для карты абраны аптымальны памер, каб ілюстрацыі і подпісы былі добра бачныя — 77,5x60,5 см.
Упакоўка з нацыянальным каларытам
Кожная карта загорнута ў ільняную торбу ручной работы і дапоўнена двума ярлыкамі: адзін з унікальным нумарам карты, а другі — з цытатай Тадэвуша Рэйтана.
Тадэвуш Рэйтан (1741-1780) — палітык, нацыянальны герой, праціўнік падзелу Рэчы Паспалітай.
Прывітанне! Я Рома — аўтар гэтай карты. Мая каманда — гэта мая сям'я. Брат дапамагае маляваць аб'екты для карты, а бацькі падахвоціліся дапамагчы з упакоўкай — ільняныя торбы шыюць менавіта яны, на бабулінай швейнай машынцы «Чайка 142-М».
Як мы стваралі карту
Сабралі базу дадзеных
Шукалі самыя самабытныя славутасці Беларусі падчас паездак і праз інтэрнэт. Усяго для карты адабралі каля 1900 гістарычных каштоўнасцяў.
Намалявалі кожны аб'ект уручную
Малюнкі рабілі падчас вандровак або па фотоздымках.
Праілюстравалі малюнкі
Малявалі ў CorelDraw па сваёй тэхніцы. Па-дылетанцку называем яе «геаметрычны прымітывізм з элементамі баўхаўс».
Падрыхтавалі аснову карты
Намалявалі зямлю, дарогі, чыгунку, масты. Дапоўнілі карту краінамі-суседзямі з іх галоўнымі гарадамі.
Скампанавалі ўсе ілюстрацыі
Расставілі ўсе аб'екты па сваіх месцах. Да кожнага населенага пункта дадалі паказальнікі: белыя — да гарадоў, сінія — да вёсак і гарадскіх пасёлкаў.
Як набыць скрэтч-карту
Пакіньце сваю электроную пошту, мы напішам вам ліст і раскажам, дзе забраць і аплаціць карту. Цана карты — 35 рублёў.
Над старонкай працавалi:
